Ghazal _غزل _nadeem raja poetry

ایک   چہرہ   دکھائی   دینے  لگا
زخم   بھرتا   دکھائی   دینے  لگا

ماں کی آنکھیں خراب رہنے  لگیں
مجھ کو دھندلا دکھائی دینے لگا

کچھ بھی دِکھتا نہیں سوا تیرے
کتنا   اچھا   دکھائی   دینے   لگا

پھول کاڑھے تھے اُس نے کُرتے پر
سب  کو  نقشہ  دکھائی دینے لگا

اب کہیں جا کے آنکھ  والوں کو
ایک  اندھا   دکھائی   دینے   لگا

ہم  تھے  موجود  بند کمرے  میں
ایک   رستہ   دکھائی  دینے   لگا

اس  نے  ایسے  ملایا  مٹی  میں
ذرہ   ذرہ   دکھائی    دینے    لگا

میں  نے  اپنی  زبان  کیا  کھولی
سب کو خطرہ دکھائی دینے لگا

کوئی   رستہ   نظر   نہ   آیا   تو
چھت کا پنکھا دکھائی دینے لگا

اب کے  تصویر میں  ہنسا  ایسے
درد  ہنستا   دکھائی   دینے   لگا

            ندیم راجہ
urdu ghzal_ اردو غزل , nadeem raja poetry , ghzal